BELLEGARDE André Serge


Mesye Bellegarde se yon gason vanyan, pitit tè Dayiti, li fèt nan Pòtoprens. Li te pran premye fòmasyon li an Ayiti nan lekòl (Saint Louis de Gonzague). Aprè sa li kontinye etid li nan peyi Etazini ; li pran metriz li nan Istwa peyi Karayib yo nan inivèsite Howard nan Washington D.C. Soti fevriye 1972 rive jen 2014, Akademisyen Bellegarde fè karyè li kòm Tradiktè-Revizè nan Sèvis Tradiksyon OEA, kote li t ap fè tradiksyon nan franse soti nan panyòl, angle, pòtigè, lang ofisyèl òganizasyon an.

Akademisyen Serge Bellegarde pa pibliye zèv, men li vin ap fè tradiksyon nan lang Kreyòl la pou Òganizasyon Eta Ameriken ak Òganizasyon Panamerikèn pou Lansante (OEA), malgre lang sa a pa lang ofisyèl nan òganizasyon sa yo, e paske yo te vin reyalize kouman te gen gwo nesesite pou kèk dokiman byen presi tradwi nan kreyòl. Pandan tan sa a, li anseye kreyòl tou pou anpil volontè diferan nasyonalite k ap fè travay imanitè nan peyi Ayiti.

Mesye Bellegarde, akonpaye Komisyon Dwa Moun OEA nan plizyè misyon nan peyi Dayiti e li patisipe nan anpil reyinyon OEA nan lòt peyi Amerik yo.