Akademisyen Max Gesner BEAUVOIR

Prezantasyon

François Max Gesner BEAUVOIR fèt 25 out 1936 nan komin Petyonvil, depatman Lwès peyi Ayiti. Apre li te fin fè etid klasik li an Ayiti, li fè yon lisans nan Chimi nan City College of New York (CCNY).

Max Beauvoir se Konfederasyon Nasyonal Vodouyizan Ayisyen (KNVA). Jouk li mouri nan lane 2015, li te gen tit Ati nasyonal vodou, sa vle li te chèf siprèm vodouyizan yo nan peyi Ayiti.

Piblikasyon

Max Beauvoir fè plizyè rechèch, li pibliye oubyen patisipe nan piblikasyon plizyè atik nan plizyè disiplin, nou ka site :

· Lapriyè Ginen, [Port-au-Prince] : Edisyon Près Nasyonal d Ayiti, 2008.

· Le Grand Recueil Sacré, ou, Répertoire des chansons du Vodou haïtien. [Haiti] : Koleksyon Memwa Vivan, 2008.

· Haitian Vodou : spirit, myth, and reality, ed. by Bellegarde-Smith, Patrick, and Caludine Michel. Bloomington: Indiana University Press, 2006.

Angajman

Nan kad travay li fè pou defann oswa fè pwomosyon pou lang ak kilti kreyòl la, li entèveni nan domèn sa yo :

· Espirityalite

· Edikasyon

· Kilti

Se Konfederasyon Nasyonal Vodouyizan Ayisyen (KNVA) ki te pwopoze kandidati Max BEAUVOIR kòm Akademisyen.

Akademi Kreyòl Ayisyen

Atik 213 Konstitisyon 1987 la prevwa pou Leta kreye yon akademi pou kore devlòpman lang kreyòl la. Se nan lane 2008, plis pase ven (20) lane apre adopsyon konstitisyon an, Inivèsite Leta Ayiti te pran inisyativ pou li mete kanpe komite pou tabli Akademi Kreyòl Ayisyen an ki te gen ladan li reprezantan divès enstitisyon, prive kou piblik. Konsa, soti 27 pou rive 29 oktòb 2011, komite a òganize yon kòlòk entènasyonal ki mobilize divès espesyalis nan edikasyon, sosyoloji, antwopoloji, lengwistik, sikoloji, elatriye.

Akèy

Akademisyen

Dokiman

Kontakte nou!

Istorik

Imaj

Videyo

Adrès: 20, Avni Lamartinière, Bwa Vèna, HT 6116, Pòtoprens, Ayiti | Telefòn : (+509) 3333-0815 / 3333-0816