10 zan AKA

10 ane Akademi kreyòl Ayisyen

Lansman 10 ane AKA nan otèl Montana

Akademi Kreyòl Ayisyen lanse 10 ane egzistans li nan otèl Montana

Akademisyen Rosilia François CORNEILLE, Vis Prezidan

Akademisyen Jean Grégory CALIXTE, Sekretè Jeneral

Samuel JEAN BAPTISTE, Sekretè Egzekitif

Akademi Kreyòl Ayisyen lanse selebrasyon Mwa lang ak kilti kreyòl pou ane 2024 la nan otèl Montana jedi 3 obtòb la anba tèm "Lang kreyòl: zouti rezistans pèp ayisyen".

Nan konferans pou laprès la, Vis prezidan AKA Akademisyen Rosilia François CORNEILLE, te prezante mesaj espesyal pou selebrasyon Mwa lang ak kilti kreyòl la. Nan diskou li, Vis prezidan an mete aksan sou kontribisyon Ayiti nan kreyasyon bèl eritaj sa a.

Sekretè Egzekitif Akademi Kreyòl Ayisyen, Samuel Jean-Baptiste bò kote pa li te kanpe kalandriye aktivite mwa oktòb la ansanm ak lis aktivite ki prevwa pou deseni Akademi an.

Akademi Kreyòl Ayisyen swete tout moun yon bon mwa lang ak kilti kreyòl.

Kèlke imaj pou make jounen lansman 10 ane Akademi a

Atelye literati jenès Odette Roy FOMBRUN

Nan kad selebrasyon Mwa lang ak kilti kreyòl la, Akademi Kreyòl Ayisyen lanse madi 8 oktòb 2024 la, Atelye literati jenès Odette Roy FOMBRUN nan sal dokimantasyon IV Dejan an. Se ekriven Marc Exavier k ap anime atelye lietrati sa a pandan 3 jou, kote l ap ede patisipan yo manche plim yo pi byen pou pote pi bon zèv nan lang kreyòl ayisyen an.

Akademi Kreyòl Ayisyen mete bout, jedi 10 oktòb 2024 la, nan 3 jounen atelye literati jenès, nan kad mwa Selebrasyon lang ak kilti kreyòl.

Nan dènye jou a, Marlène Chouloute entèveni pou prezante yon liv pitit li ki gen 9 lane ekri ki rele "Les Merveilles d'Hayti". Se te yon okazyon pou Akademisyen Michel-Ange Hyppolite entèveni tou pou ankouraje patisipan yo kontinye li pou yo kapab ekri pi plis nan lang kreyòl ayisyen an.

Pou mete bout, Sekretè Egzekitif AKA Samuel JEAN BAPTISTE a, Vis prezidan KAd la Akademisye Rosilia François CORNEILLE ak Sekretè Jeneral KAd la Akademisyen Jean Grégory CALIXTE te remèt chak patisipan yon sètifika pou make tras yo nan atelye sa a.