Akademisyen Clément Claude PIERRE

Prezantasyon

Claude Clément Pierre fèt 28 fevriye 1941 nan komin Koray, depatman Grandans. Li se lengwis, pwofesè e li se ekriven tou. Li gen yon doktora nan Literati ak Lengwistik Tèks (Université d’Ottawa, 1978), yon metriz nan Literati ak Lengwistik (Université Laval, 1973), yon lisans nan Syans Edikasyon (Université du Québec, 1977) ak nan Syans Politik (Université d’Etat d’Haïti, 1968). Claude C. Pierre mouri nan dat ki te samdi 24 jen 2017 la.

Piblikasyon

Claude C. Pierre bay plizyè konferans e li pibliye plizyè atik nan revi, plizyè pwezi ak woman. Pami travay li yo, nou ka site :

• Lang pa gen zo, Henri Deschamps, Port-au-Prince, 2004.

• Simbi, Editions Areytos, Port-au-Prince, 2003.

• Le voyage inventé, Editions Pleine Plage et CIDIHCA, Port-au-Prince, 1998.

• Tourne ma toupie, Editions Naaman, Sherbrooke, 1974.

Angajman
Nan kad travay li fè pou li defann oswa fè pwomosyon pou lang ak kilti kreyòl la, li entèveni nan domèn sa yo:

• Lengwistik

• Edikasyon

• Rechèch

• Literati

Se Ministè Kilti ak Jounal Bon Nouvèl ki te pwopoze kandidati Claude Clément Pierre kòm Akademisyen.

Akademi Kreyòl Ayisyen

Atik 213 Konstitisyon 1987 la prevwa pou Leta kreye yon akademi pou kore devlòpman lang kreyòl la. Se nan lane 2008, plis pase ven (20) lane apre adopsyon konstitisyon an, Inivèsite Leta Ayiti te pran inisyativ pou li mete kanpe komite pou tabli Akademi Kreyòl Ayisyen an ki te gen ladan li reprezantan divès enstitisyon, prive kou piblik. Konsa, soti 27 pou rive 29 oktòb 2011, komite a òganize yon kòlòk entènasyonal ki mobilize divès espesyalis nan edikasyon, sosyoloji, antwopoloji, lengwistik, sikoloji, elatriye.

Akèy

Akademisyen

Dokiman

Kontakte nou!

Istorik

Imaj

Videyo

Adrès: 20, Avni Lamartinière, Bwa Vèna, HT 6116, Pòtoprens, Ayiti | Telefòn : (+509) 3333-0815 / 3333-0816