Akademisyèn Odette Roy FOMBRUN

Prezantasyon

Akademisyen Odette Roy FOMBRUN se vyewo Akademi an. Kididonk, se manm nan Akademi an ki gen plis laj, ki pote plis rekòt kafe sou tèt li. Li fèt Pòtoprens 13 jen 1917. Li diplome nan Lekòl Nòmal Enstititris nan lane 1935.

Piblikasyon

Pami yon dividal liv an kreyòl li pibliye, nou ka site:

. Ti Koze sou Istwa Dayiti

. Ispayola, premye liv endyen Ayiti okipasyon lespay

. Dwa ak devwa tout Ayisyen

. Eleksyon an Ayiti

. Ti Koze sou Konstitisyon

Angajman
Manm Sosyete Ayisyen Istwa ak Gewografi, Odette Roy FOMBRUN pibliye plizyè atik nan revi enstitisyon an. Li pase 27 lane an egzil sou Prezidan François DUVALIER: 10 lane Ozetazini epi 17 lane an Afrik avèk fanmi li. Li retounen Ayiti nan fen rèy Duvalier a an fevriye 1986. Se li menm ki te pwopoze atik 213 la nan Manman lwa peyi a ki kreye Akademi Kreyòl Ayisyen an.

Li angaje li nan sektè sa yo:

. Edikasyon

. Dwa moun

. Istwa

. Sivis

Se Gwoup Refleksyon ak Aksyon pou yon Ayiti tou nèf ki te pwopoze kandidati Odette Roy FOMBRUN kòm Akademisyèn

Akademi Kreyòl Ayisyen

Atik 213 Konstitisyon 1987 la prevwa pou Leta kreye yon akademi pou kore devlòpman lang kreyòl la. Se nan lane 2008, plis pase ven (20) lane apre adopsyon konstitisyon an, Inivèsite Leta Ayiti te pran inisyativ pou li mete kanpe komite pou tabli Akademi Kreyòl Ayisyen an ki te gen ladan li reprezantan divès enstitisyon, prive kou piblik. Konsa, soti 27 pou rive 29 oktòb 2011, komite a òganize yon kòlòk entènasyonal ki mobilize divès espesyalis nan edikasyon, sosyoloji, antwopoloji, lengwistik, sikoloji, elatriye.

Akèy

Akademisyen

Dokiman

Kontakte nou!

Istorik

Imaj

Videyo

Adrès: 20, Avni Lamartinière, Bwa Vèna, HT 6116, Pòtoprens, Ayiti | Telefòn : (+509) 3333-0815 / 3333-0816