Akademisyen Samuel JEAN-BAPTISTE

Prezantasyon

Samuel JEAN BAPTISTE fèt nan pòtoprens 19 sektanm 1963, kote li fè etid primè li. Li pran yon lisans nan Syans edikasyon nan Université Caraibe ak yon metriz entèdisiplinè nan yon pwogram Université d’Etat d’Haiti ak Université Laval te mete sou pye. Samuel Jean Baptiste anseye nan nivo klasik ak nan nivo siperyè.

Piblikasyon

Ak konkou divès lòt kanmarad, Akademisyen Jean Baptiste pwodui yon plizyè liv pou plizyè enstitisyon tankou « Editions Caraibe ak Edisyon KOPIVIT – L’Action Sociale. Liv sila yo se sitou liv pou elèv lekòl. Pami yo, n ap site :

• Kreyòl sou tout fòm, 5èm AF

• Kreyòl sou tout fòm, 6èm AF

• Diksyonè Kreyòl Karayib (nan kolaborasyon ak yon ekip Jocelyne TROUILLOT t ap dirije)

• Matematik, Jwèt pou ou, 1e AF

• Sekrè Syans Lang Kreyòl, 2e AF

Angajman
Samuel JEAN BAPTISTE sitou angaje nan domèn edikasyon pou kontribye nan fè pwomosyon pou lang kreyòl la.

Se KOPIVIT L’Action Sociale ki te prezante kandidati Samuel JEAN BAPTISTE kòm manm Akademi kreyòl Ayisyen an.

Akademi Kreyòl Ayisyen

Atik 213 Konstitisyon 1987 la prevwa pou Leta kreye yon akademi pou kore devlòpman lang kreyòl la. Se nan lane 2008, plis pase ven (20) lane apre adopsyon konstitisyon an, Inivèsite Leta Ayiti te pran inisyativ pou li mete kanpe komite pou tabli Akademi Kreyòl Ayisyen an ki te gen ladan li reprezantan divès enstitisyon, prive kou piblik. Konsa, soti 27 pou rive 29 oktòb 2011, komite a òganize yon kòlòk entènasyonal ki mobilize divès espesyalis nan edikasyon, sosyoloji, antwopoloji, lengwistik, sikoloji, elatriye.

Akèy

Akademisyen

Dokiman

Kontakte nou!

Istorik

Imaj

Videyo

Adrès: 20, Avni Lamartinière, Bwa Vèna, HT 6116, Pòtoprens, Ayiti | Telefòn : (+509) 3333-0815 / 3333-0816